Röskva hefur ávallt verið drifkraftur jákvæðra breytinga á vettvangi stúdentaráðs. Þau málefni sem Röskva hefur barist fyrir endurspegla grunngildi fylkingarinnar; róttækni, heiðarleika og jafnrétti og fylkingin hefur þorað að tala gegn óréttlæti og berjast fyrir auknu aðgengi og réttindum nemenda. Síðan er það að sjálfsögðu mikill kostur að innan Röskvu er skemmtilegt fólk, alls staðar að, sem lætur sig málin varða. Þau mál sem ég legg mestu áherslu á eru aðgengilegt nám, þ.e. fjölbreyttar kennsluaðferðir og námsmat, virk endurgjöf, aukið framboð fjarnáms og sveigjanleiki til dæmis með upptökum fyrirlestra. Ég vil efla tengslatorg, samstarfsvettvangs sem tengir stúdenta við samfélagið, atvinnulífið og hið opinbera. Síðast en alls ekki síst vil ég auka aðgengi að kennslubókum á rafrænu formi.